FRIENDS COMICS: Paglingon sa Nakaraan (by Nelson)

Hello po sa lahat! Remember Friends Comics? Yun ang opisyal na komiks ng IV-A at IV-B noon. Typewriting na tiniklop sa gitna at inisteypler para maging isang babasahin. Sisimulan ko sa pagdrawing ng pabalat. Ipagpapasa-pasahan nating magkakaklase upang lahat ay makapag contribute. Halos lahat ay gustong makasulat sa mga pahina. Sino ba naman ang mag aakala na sa pagdating ng panahon, ang mga komiks na yun ang mga magiging buhay na alaala ng isang masaya at makulit na kahapon?

Isang araw, sa pagliligpit ko ng aking mga gamit, nabuksan ko ang mga pahina ng mga Friends Comics na ilang taon ko na ring hindi napapansin. Hindi ko akalain na ang muli kong pagbabasa ay magiging isang paglalakbay sa nakaraan. Para akong sumakay sa isang time machine.

Sino ba naman makakalimot sa mga matalinhagang tula ni arthur at jolet, sa mga makabagdamdaming song lyrics ni ria, sa mga educational trivias ni ester, sa mga korning comic strips namin ni didith, sa mga naggagandahang babae na ginuhit ni maline. Syempre hindi natin makakalimutan ang mga pagpapayo ni ate analyn sa kanyang advice column.

Ilan sa mga hit na hit na column ay ang Thought for the Day column na naglaman ng mga contributed quotations, ang What Can You Say About... column na naglaman naman ng ating mga personal description ng mga kaklase natin.

Pinaka da best ang Greet Your Friends column dahil dito nababasa ang lahat ng batian, kuwentuhan, pati pambibisto sa mga crushes... na mas lumala pa ng magkaroon ng katapat na column - ang Greet Your Enemies - kung saan naman nagbangayan at nag awayan ang mga may topak, Hehe.

I will be posting some scanned pages of our beloved comics. Sana mag enjoy kayo, gaya ng tawanan namin ni didith kapag binabasa namin ulet ang mga kulitan sa bawat pahina.

Humihingi na rin ako ng permit to repost sa mga authors ng ilang literary works. Baka magulat kasi kayo na biglang lilitaw dito sa site na ito ang mga tula nyo... indi ko po ninakaw... kusa nyo pong ni contribute ang mga yan noong unang panahon... hehe...

At humihingi na rin ako ng paumanhin sa mga medyo balat sibuyas jan... kasi may mga posting na medyo inalipusta natin ang mga kaklase natin - nandyang pinintas-pintasan natin, nandyang minura mura natin. Bata pa po tayo noon. Wala pa tayong kamalayan na pwede tayong balikan ng multo ng nakaraan. Hehe. Pero kung sa palagay po nyo ay hindi na dapat irepost yung mga napost ko dahil may mga nahu hurt ang feelings, paki email lang ako at ide delete ko kaagad. Pero I'm sure magiging sport lang ang lahat. I'm sure matatawa ka na lang at sasabihin mong "ako ba nagsulat non?". Aminin!!! Kilala namin penmanship mo!

Feel free to write your reactions! Para naman malaman ko na may kasama ako sa ginagawa kong reminiscing... Hehe... Join me in my time travel! Have fun everyone!